وەزارەتا خواندنا بلند و ڤەکۆلینێن زانستى پرۆسا ڤەگوهاستن و دابەزینا خویندکاران/ قوتابیان بۆ ساڵا نوی یا خواندنێ (2025-2026) ب شێوەیێ ئەلـکترۆنى ڕادگەهینیت، پرۆسە ژ ڕێـککــەڤتی (2025/7/15) هەتا (2025/8/31) دێ بەردەوام بیت. پێدڤیە فەرمانا دەرچوونا زانکۆیێ یا تایبەت ب ڤەگوهاستنێ یان دابەزینێ ژ (2025/9/15) نەبووریت.

ب مەرەما بەرچاڤ ڕوهنیێ بۆ ئەوان خویندکار و قوتابیێن دڤێن پرۆسا ڤەگوهاستن و دابەزاندنێ ئەنجامبدەن، كلیكێ ل سەر لینکێ فێرکاریێ ل خوارێ بكەن، پاشان دەست ب پرۆسێ بکەن بۆ هندێ توشی چ خەلەتیان نەبن، د هەماندەمدا هەر خویندکار و قوتابیەکێ پرسیار یان تێبینی هەبن سەرەڕایی خواندنا دەقێ ڕێنمایان، دشێت پرسیارێن خۆ ئاراستەیى تۆمارا گشتی یا زانکۆیان بکەن و دێ بەرسڤ ل سەر هێتە دان.

تێبینى:

1/ ئەگەر قوتابی/ خویندکار (یوزەرنێم و پاسۆرد) نەبوو، یان ژبیر کربیت، بۆ چوونا دناڤ سیستەمێ ڤەگوهاستن و دابەزینێ، ئەو دێ ژمارەیا ئەزموونا پۆلا دوازدێ ئامادەیی ل تۆمارا زانکۆیا خۆ پرۆسێ ئەنجامدەت.

2/ بۆ ئەنجامدانا پرۆسەیا ڤەگوهاستن دابەزینێ پێدڤی ناکەت چ قوتابى و خویندکار سەردانا وەزارەتێ بکەن، چونکی پرۆسە ب ئەلـکترۆنى دهێتە ئەنجام دان.

3/ پێدڤیە د ئەڤی دەمێ هاتیە دیارکرن دا، خویندکار و قوتابی کاروبارێن خو تەمام بکەن، چونکی ژ دەرڤەی ئەڤی دەمی کاروبارێن وان ناهێنە بڕێڤەبرن.

- بۆ ئەنجامدانا پرۆسەیا ڤەگوهاستن و دابەزینێ کلیکێ ل سەر ئەڤی لینکێ ل خارێ بکەن:
https://regayzanko.com/

- بۆ دیتنا گشتاندنا وەزارەتێ یا تایبەت ب ڕێنماییێن ڤەگوهاستن و دابەزینێ کلیکێ ل سەر ئەڤر لینکێ ل خارێ بکەن:
https://drive.google.com/file/d/1HiKzu6z_c9A7ZqJw1wmZYJvB7oBKlUgx/view?usp=sharing